Shillong, Lber:
Ka Executive Commitee ka All Meghalaya Dancers Association ka la pynlong ïa ka jingrakhe plie ïa ka 1st Opening 25 Silver Jubilee ha Mawlai Polytechnic College ha ka 8 tarik, Lber da kaba pynlong ïa ka Mawlai Superstar Season 1 ha katei ka sngi. Na ka liang ka Mawlai Police Outpost hapoh ka jingdon ryngkat u Bah Herwod Thabah uba dei Inspector Officer Incharge u la pynshai ha ka Awerness program shaphang ki jingkyrni dih drok bad ruh kumno ba ki briew kim dei ban ngeit biej khamtam ha ki Social Media bapher bapher kiba kular ban ai kam bad kiwei. Ha katei ka sngi na ka liang ka Meghalaya HIV Aid Control Society hapoh ka jingdon u Bah Rap uba dei Assistant Director ka Meghalaya HIV Aid Control Society u la ai jingkren bad pynsngewthuh shaphang ka jingjyllei ka jingpang HIV Aid, kumno ban sumar bad ban kiar na ka shongkha kulmar bad kiar ban pyndonkam ujuh thyrnia Injection.
Ha katei ka sngi la ïadonlang ruh ka Kong Susuki Pariat kaba la ai mynsiem ïa ki heprit kiba donsap shad bad rwai ka jylla Meghalaya baroh kawei bad ka la pynpaw ban tur sha ka sorkar ba ka dei ban ithuh noh ïa kane ka synjuk AMDA ban buh ruh ïa ka bhah kyrpang na ka bynta kane ka synjuk. La ïadon rynkatlang bad KSU Mawlai Circle bad ka HANN Mawlai HYM Central Body ban ai mynsiem ïa ki heprit samla donsap ha katei ka sngi la ïadon rynkat lem bad ki dkhot barim ka Hynñiewtrep Modern Dance Welfare Development Organisation (HMDWDO) ha kaba ka Kong Careen Masar Finance Secretary barim ka la ai jingkyrshan tyngeh bad kitbok kit-rwiang ïa ki dkhot ka AMDA ban pynkylla noh sha ka All Meghalaya Dancers Association ba kan trei shitom shuh shuh khnang ba ka lawei pateng kin ym sah hajuh. Ha katei ka sngi la pynlong ruh ïa ka Mawlai Superstar Season 1 kum shibynta ban kyntiew ïa ki heprit samla donsap ka thaiñ Mawlai baroh kawei.
Bad ïa ka nam lahduh ba nyngkong ha ka Mawlai Superstar, la rah da ka Kynhun Lawrence Dance Academy ha ryngkat ki Certificate Trophy bad ka song pisa, ïa ka nam ba ar la rah da i Fedel Lyngdoh ha ryngkat ka Certificate Trophy bad ka song pisa bad ïa ka nam ba lai la rah da i heprit Aden Delah Majaw bad la sam ruh ïa ki Conslution Price sha baroh 8 ngut da ki syrnod, takma ryngkat ka pisa.
La ïoh ruh ïa ka jingpynshai na u President Bah Kitbok Thabah halor ka nongrim naduh u snem 2000 kat haduh mynta ngi la mad shibun bah ki jingeh bad ki diengpyngkiang ha ka lynti ïaid ban btin lynti ïa ki heprit samla donsap ha ka shad ka rwai jong ka jylla Meghalaya baroh kawei.
