Shillong, Lber 17
U Myntri Rangbah ka Jylla, u Conrad K. Sangma u la kyrpad ïa ka tnat pule-puthi ka Sorkar Pdeng ban pynbiang ïa ki jaka thoh eksam hapoh ka Jylla na bynta ki samla pule ki ban ïakhun ïa ka eksamin Central Univer-sity Entrance Test (CUET).
“Nga kyrpad ïa ka @EduMinOfIndia & @ NTA_Exams ban tuklar ha ka ban pynbiang ïa ki jaka thoh eksam #CUET hapoh Meghalaya na bynta ki samla pule jong ngi. Bun na ki samla pule ki la ngat ha ki jaka thoh eksam ha Guwahati, hawei ka liang kaba buh jingeh. Kyrmen ba yn lah pynbeit ïa kane ka jingeh,” ong u Sangma ha ka rynsan lad pathai ‘X’.
