Shillong, Lber 20
Ka jingjur thang khlaw ha kylleng ki jaka ka la buh jingma ïa ka jingim jong ki briew khamtam kiba sah marjan bad ki jaka don khlaw, namar kawei ka jingjia ha ka miet Sngi Balang ka 19 tarik u Lber 2025 ha ka por 10:30 mynmiet ka la don ka jingpluh khlaw ha Laitkor Rngi.
Katkum ka jingai jingtip ki ‘riew paidbah la ïathuh ba ki don ki briew kiba thang ïa kane ka khlaw hynrei la lah ban pynlip ïa ka ding kaba la pur ha ka por 10:30 mynmiet da ka jingwan ïarap ki pulit pynlip ding.
Ki la pyntip ruh ba ha ka por 12:00 baje mynmiet kane ka ding ka la khie biang kat haduh ar tylli ki karkhana kiba don marjan ki la jan kem ding hynrei da ka jingkloi ki kali pynlip ding la lah ban pyllait na ka jingkem ding kine ki ar tylli ki karkhana.
La ïathuh ruh ba ha sien kaba nyngkong, ka jingkloi bad sted ki kali pynlip ding ki la lah ban tem noh ïa ka ding. Hadien ynda ki la leit phai, ki ‘riew shim kabu ki la thang biang ïa ka khlaw ha kajuh ka jaka kaba don ha Laitkor Rngi hynrei la lah ban pynlip biang ha ki por 2:00 baje mynstep jong ka sngi babud.
