Shillong, Lber 20
Ki bor pynïaid district ka East Khasi Hills ha ka Sngi Palei ki la pynmih ïa ka hukum ba la khang pyrshah ban thang ding dusmon ïa ki khlaw ki btap khlem da peitngor, kiba lah ban buh jingma ban wanrah ïa ka jingpluh khlaw bad ka jingjulor ïa ka mariang, ki nongkynti bad ka jingduh ki mynsiem briew.
Ka hukum ba la pynmih da ka District Magistrate ka Kong RM Kurbah, ka la maham ruh ba kino-kino kiba pynkheiñ ïa kane ka hukum, kin shah pynngat ha ki kyndon aiñ 233 jong ka BNS.
Ïa kane ka hukum la pynmih hadien ba la ïoh jingtip ba ka don ka jingthang khnang ïa ki khlaw ha sawdong jong ka district bad ruh ki don ki jingthang khlaw pathar kiba wanrah ïa ka jingpluh khlaw.
Kumta, ka hukum ka long kaba donkam ban pynthikna ïa ka jingshngaiñ jong ki paidbah nongshong shnong, bad ruh ban pynthikna ïa ka jingïada ïa ka mariang na ka jingnang jot bad kumjuh ka jingma ïa ka jingshngaiñ bad ka jingduh ïa ka jingim briew.
