Shillong, Lber 21
Ki shipai Border Security Force (BSF) ki la ïoh ban kem noh ïa ki ar ngut nong India bad ban kurup ruh ïa ka kali Tata Sumo ba kit ïa ki mar khaïi tuh sha Bangladesh.
Ïa kine ki briew la ïoh ban kem ha ryngkat ka jingïatreilang bad ki pulit na lad Ichamati, kaba don ha khappud ka East Khasi Hills bad Bangladesh.
Kine ki briew ki thmu ban khaïi tuh sha Bangladesh ïa ki mar ba bun jait. Ha ka jingtohkit, u nongñiah jong kane ka kali u khlem lah satia ban pyni ïa ki kot ki sla ba kit ïa kine ki mar. Ïa kine ki briew bad ïa ka kali nalor ki mar, la aiti noh sha ki Custom ha Shella ban leh ïa kaba donkam bad ka jingtohkit mynta kala ïaid shakhmat.
