Shillong, Lber 26
Ki shipai jong ka Border Security Force (BSF) ki la ïoh kurup 22 tylli ki masi bad kem ïa uwei u nong India ha khappud jong ka ri India bad Bangladesh kaba don ha West Jaiñtia Hills District ha ka 25 tarik u Lber.
Ki BSF ki la pyntip, ba hadien jong ka jingïoh ïa ki jingtip kiba thikna halor ka jingbuhrieh ïa ki masi ha ki bri kwai ban khaïi tuh sha ri Bangladesh, kumta ki BSF jong ka 4th Bn, BSF Meghalaya ki la pynlong ïa ka jingkhynra bad ïoh kem ïa uwei u briew uba thmu ban khaïi tuh ïa ki masi ha ka thaiñ khappud. Ha ka jingtohkit ym shym la lah satia ban ai ïa kano-kano ka jubab halor ka jingbuhrieh ïa kitei ki masi ha khlaw.
Ïa kitei ki masi kiba la ïoh kurup, ki BSF ki la aiti noh sha ka Police Patrol Post (PPP) Muktapur ban pynlong ïa ka jingtohkit bad ban leh ïa kaba donkam.
Ka BSF ka la pynpaw ba ka ïengskhem ban tehlakam ïa ki kam khaïi tuh bad ïa ki kam sniew ha ki thaiñ khappud bad kan long kaba ïai peitngor ban ïada ïa ka khappud na ka bynta ka jingshngaiñ jong ki nongshong shnong ka ri India.
