Jowai, Lber 28
Ka ïingdorbar thaw aiñ jong ka Jaiñtia Hills Autonomous District Council (JHADC) ha ka 28 tarik Lber ka la mynjur ïa ka mang tyngka jong u snem 2025-26 kaba duna T.11.32 klur.
Ïa kane ka mang tyngka, u CEM, Bah Thombor Shiwat u la wanrah ha ka sngi sdang jong ka Dorbar Mang Tyngka, kata ha ka 26 tarik Lber.
Ka JHADC mynta u snem ka la mang ban ïoh lum pisa T.245,90,55,900 klur, katba ka jingpynlut la antad ba kan kot sha ka T.257,23,44,200 klur kaba pyni ïa ka jingduna kaba T.11,32,88,300 klur.
Na ka bynta ka General Administration, ka long T.13,28,10,200/-, katba ka tnad Finance & Accounts – T.31,75,15,400/-, Land Revenue & Land Reform – T.11,46,19,600/-, Land Record & Land Settlement – T.10,60,51,000/-, Taxation – T.4,93,19,100/- bad tnad Forest – T.15,59,69,800/-. Ka jingpynlut na ka tnat Political ka long T.4,52,64,700/-, Civil Work – T.100,15,34,800/-, katba ka Education ka long T.25,75,94,700/-, ka tnad Art & Cultural – T.2,37,96,800/-, Market – T.20,36,00,400/-, Statistics and Information – T.1,53,49,800/-, Stationary & Printing – T.1,38,66,400/-, Planning – T.1,24,21,400/-, Judicial – T.3,25,38,900/-, Legislative – T.7,54,90,300/-, bad Village and Town Admistration – T.1.46,00,900/-.
