Shillong, Lber 31
Ka Kur Shadap Shillong Unit ha ka 31 tarik u bnai Lber 2025, ka khot bad wer ïa baroh ki para kur Shadap kiba shong-ba sah hapoh bad sawdong ka nongbah Shillong ban ïa poi lem sha ka jingïalang jong ka Kur Shadap kaba la buh ban pynlong ha ka 5 tarik u Ïaïong 2025 ha Youth Hostel, Shillong ha ka por 4:00 baje janmiet.
Haba kren sha ki lad pathai khubor ha Shillong Press Club (SPC) ha ka Lah Sngi U Blei jong ka 31 tarik u bnai Lber, 2025, u President ka Seng Kur Shadap Shillong Unit, u Bah Khrawkupar Shadap u la pyntip ba kane ka jingïalang kan kynthup ïa ki jingïakren kiba bniah halor ki katto katne ki mat kiba kongsan kiba ïadei bad ka kur.
Na ka liang u General Secretary ka Seng Kur Shadap Shillong Unit, u la ong ba kane ka jingïalang jong ka kur ka long ban teh song ïa ka kur ka jait bad ban ithuh iwei-ïa-iwei.
“Ka jingdon jong ka seng kur, ngi lah ban tip mano ba shim kabu ïa ka kur jong ngi lyngba ka jait Shadap ba ki bym dei ki Shadap ki ai Shadap bad lyngba ka jingdon ïa ka seng kur, ngi lah ban tip ïa kine kiei-kiei baroh”, ong u General Secretary.
