Shillong, Ïaïong 01
Ka Shad Suk Mynsiem jong ka Seng Khasi Kmie kan long ha ka 5, 6 & 7 tarik u Ïaïong, 2025, ha Lympung Weiking, Jaïaw, Shillong.
Kane ka shad ka kmen ka long ka jingkynmaw bad jingainguh u khun Khasi Khara shisien shi snem ïa U Blei, Trai, Kynrad, U Nongthaw – U Nongbuh najrong natbian ban neh la ka Hok, ka Riti.
Ka Seng, namarkata, lyngba une u kyrwoh, ka kyrpad bad khmih lynti ïa ki parakhun ka Ri ban ïapoi lang ha kane ka shad ka kmen bad ban ïa mih nongshad kynthei shynrang bad la ka riam ka beit pura, ban phuh ban phieng la ka kam, ban sah pyrto don burom la ka Ri.
Kane ka long katkum ka kyrwoh ba la phah da u Rgh O. Pyngrope President Seng Khasi Kmie bad Rgh. Hainess Marbaniang General Secretary Seng Khasi Kmie.
