Jowai, Ïaïong 03
Ka shlem treikam u Deputy Commissioner (Supply) ka la pyntip ïa ki Fair Price Shop Dealer hapoh Laskeiñ bad Thadlaskeiñ Block ba ka jingpynrung ïa u Aadhaar bad ïa ka e-KYC jong ki nongbam khaw rashon (Beneficiaries) kiba hap hapoh ka West Jaiñtia Hills District ki hap ban pyndep noh ban pynrung kyrteng Aadhaar bad leh e-KYC ha lane shwa ka 30 tarik Jylliew (June) 2025.
Ka ophis ka la pyntip ba kane ka long ka jingpyntip ba khatduh na ka Sorkar Pdeng bad hadien kane ka tarik, kito ki bym pat pynrung Aadhaar lane leh e-KYC yn sa pynduh noh ïa ka jingïoh khaw rashon jong ki.
Kumta, baroh ki nongbam khaw rashon ki bym pat dep leh Aadhaar seeding lane shon kti na ka bynta e-KYC, ki dei ban pyndep noh kloi-kloi ha ki Fair Price Shop kiba hajan tam.
