Ki jait mrad bapher bapher kiba don sha khlaw sha btap bad kiba don ba sah bad ri u briew. Ki mrad kum ki masi, ki blang, ki shynreh ne ki muid, ki hati, ki khia, ki skei, ki sier, ki khiat, ki kyndad ki sniang, ki shrieh, ki tngaw, ki dngiem, ki ksew ki myrsiang, ki suri, ki kyrbei, ki diengkhit, ki brai, ki Risang, ki khmod, ki khnai, ki nai tynjit, ki tyrpud, ki bsein, ki Rabbit, ki kui ne jynra, ki dkhan ne peilang, ki huleng bad bun jait kiwei ki bym lah ban jer kyrteng lut hangne, ki long kita kiba ngi khot ki mrad ki mreng. Ki mrad ki don saw kjat kiba kham bun. Ki sim ki doh kim dei ki mrad ki dei ki jait sim bapher kiba her bad don thapniang ym kum ki mrad kiba iaid da ka kjat. Ki sim ruh ki don bun jait kum ki syiar, ki han, ki sim rynniaw, ki sohlyngngem, ki langdikhur, ki paitpuraw, tyng-ab, ki Tura, ki phrah, jyndam, ki lyntait, ki iarkhiar, ki iartung, ki klew, ki tyut ki pukni, ki kbeit, ki jalyeit, ki sim pundieng, ki sim puh wieh, ki sim dong ne Moina, ki Jyllop, ki kyntariap, ki sim snar, ki sim iing ne ki simkhar, ki saro ki paro, ki dkhoh, shyrwat, ki Lirat, ki sim phlang, ki sim sohriew, ki sim syiem, ki khaptut, ki sim sharait, ki thring, ki puksa, ki Radha, bad bun ki ait sim ki bym lah ban ai kyrteng lut hangne, katba ki dohkha ki long ki jingthaw kiba don bad im hapoh ki um, ki wah bad duriaw. Ki dohkha kum ki dohthli, ki byrthih, ki khasaw, ki shalynnai, ki khabah, ki khabuwar, ki sher syngkai, ki kha mukul, ki khabaw, ki kha bsein, ki triang, ki khamukur, kha iong tin, kha bniang, ki khalad, ki dolphin, ki shark, ki whale, ki kha trap, ki kha puthi, ki khaski, ki khakaoi, ki kha bamphlang, ki kha bam shyiap, ki kha shitor, ki dkar, ki tham, ki shymprong bad bun ki jait dohkha kiba rit bad kiba heh ki bym lah tip kyrteng.
C. B. Iawphniaw
