Shillong, Ïaïong 15
Ha ka step phyrngab jong ka Sngi Ba-ar, ki runar bym lah ban ithuh satia, ki la wiang ding ïa kawei ka arshaka kaba la pynïeng ha Mawlai Nongpdeng, Block-C.
Katkum ka khubor na ki pulit la ong ba kane ka arshaka ka dei jong uwei u bar jylla ba la tip kyrteng kum u Sukha Ranjan Debbarma uba dei u kurim jong ka Kong Lilioso Kharjana na Mawlai Nongpdeng.
Ka khubor na ki pulit ka la ïathuh ba kane ka arshaka kaba don ïa u registration number ML05-N-7231, ka la shah wiang ding ha ka por kumba 4:30 eiei mynstep, kaba la buh ha ka jaka set kaba don shabar ka ïing.
Ha kaba ïadei bad kane ka jingjia na ka liang ki pulit ka thanat Mawlai haba ïoh jingtip ki la hiar sha katei ka jaka bad ka jingtohkit mynta ka dang ïaid shakhmat.
