Imphal, Ïaïong 20 (UNI)
Ki pulit ka Manipur lem bad ki bor pahara ki la kem noh ïa 5 ngut ki briew kiba la kynnoh ba ki dei ki dkhot jong lai tylli ki kynhun lehnoh bapher-bapher kiba don ha Manipur ha ki lai tylli ki jingkhynra ha kine ki 24 kynta ba la dep.
Ki pulit ki la ïathuh ba ïa 2 ngut ki lehnoh la kem na surok Napetpalli Andro hajan ka shnong Nongdam kaba hap hapoh Lamlai-PS, Imphal East District.
Kine ki la donkti ha ki kam dawa pisa na bynta ban kyntiew ïa ka pisa jong ka seng na man la ki kali kiba ïaid ha ka surok Napetpalli Andro.
Ki pulit ka Manipur ki la kem ïa 2 ngut ki lehnoh kiba la shah kem na Salam Mamang Leikai Ketuki Lampak hapoh Patsoi-PS, Imphal West District. Kitei kiba shah kem ki dei kiba donkti ha ki kam dawa pisa.
Ha kawei pat ka jingkhynra, ki bor pahara ki la kem ïa uwei u lehnoh na Imphal East District.
Shuh shuh la pynlong ïa ki jingkhynra ha ki distrik jong ka Thoubal bad Imphal West.
Ha ka jingkhynra ha ka thaiñ Khongnangpokpi kaba hap hapoh ka Sekmai-PS, Imphal West District, la ïoh kurup ïa kawei ka suloi 303 ‘Rifle’, bad 3 tylli ki suloi ‘Pompi Gun’.
Ha kawei pat ka jingkhynra ha ka thaiñ Lilong Chaobok Khumen kaba hap hapoh ka Lilong-PS, Thoubal District, la ïoh kurup ïa ki kuli, 12 tylli ki suloi ‘Bore Rifle’ bad kiwei-kiwei ki tiar ki tar.
