Nongpoh, Ïaïong 22
Ha kawei ka jingjia kem ding ha ka janmiet jong ka sngi Ba-ar, kawei ka ïing kaba dei ka jaka sah jong ki khunswet ka SOS Children Village kaba don hajan Lad Umsaw ka la kem ding kynsan bad wanrah ïa ka jingjulor kaba khraw ïa katei ka ïing.
Kumba la ïoh lum jingtip, wat lada na ka liang ki bor ka Fire & Emergency Service ki la wan poi kloi ban tem ïa ka ding kaba klang, hynrei kumba 80% jong katei ka ïing ka la ingkhong lut khait bad donbok ba ym shym la don satia kino-kino ki jingjia sngewsih ïa ki mynsiem briew.
Kum ban shu kdew, katei ka ïing kaba kem ding kynsan mynta ka janmiet ka dei kaba la 25 snem tam bad kaba la shna da ki dieng bad ki lyntang. Ka jingkem ding kynsan jong kane ka ïing sah khunswet la suba ba ka dei na ka jingthut ki waïar bording ilektrik lane kata ka short circuit.
