Shillong, Naitung 08
Ki nongkit dieng be-aiñ ki la byrngem ïa ki dkhot ka ACHIK kiba la bat ïa ka kali jong ki, bad bthah ban pyni ïa ki kot ki sla kiba donkam.
Katkum ka khubor na ki pulit la ong ba u Mangrakwel M Marak bad u Danseng M Marak ki la ai lang ka jingujor ba ha ka 4 tarik mynta u bnai, ha ka por kumba 3.50 mynstep, ki dkhot ka ACHIK jong ka Rondupara Sub-Unit ki la lap ïa kawei ka kali Mahindra pick-up kaba don ïa u registration number ML08-C-7892, kaba la kit be-aiñ ïa ki dieng ïing (timber) ha ka thaiñ Kama Boldakgre ha West Garo Hills.
Kham hadien la ong ba haba ki dkhot jong ka ACHIK ki la bthah ban sei ïa ki kot ki sla, ki briew ba don hapoh katei ka kali, ki la byrngem kylla bad sei da ki tiar pynmynsaw bad ban phet krad noh na katei ka jaka.
Hadien ba ki la phet krad na katei ka jaka, na ka liang ki dkhot ka ACHIK ki la ïoh ban kurup noh ïa kawei ka mobile phone na katei ka jaka.
