Shillong, Naiwieng 05
Ha ka jingmih ka jingkynthoh na u Acting Sordar ka Raid Kyrdem pyrshah ïa ki nongkitkam ka ‘Rynsan U Paidbah’ ba ki la mushlia ïa ka kam jong ka Raid khlem da tip ïa ka jingshisha, na ka liang ki nongkitkam ka Raid, ki la shong jingïalang kyrkieh bad ruh ban ai ka jingpynshai.
Haba kren sha ki lad pathai khubor, u Bah S. Kharsati, President, u la ong ba ka jingkynnoh u Acting Sordar ba ka ‘Rynsan U Paidbah’ ka dei kaba pynthohbria, ka dei kaba bakla bad um lah ban pdiang.
U la ong ruh ba ka jingkynnoh u Acting Sordar ïa u, ba um dei kum u nongshong shnong ka Raid ka dei kaba la pynkthang ïa u.
Nalor kata, u la ïaiban ruh ba ka jingmih jong ki shakhmat ka dei namar ba u Acting Sordar u don haka liang bym dei (wrong side), ym ha ka lynti kaba shisha.
“Nga la long u Rangbah Shnong bad haba mynta ngam dei shuh u Rangbah Shnong, hynrei ban shu kynnoh beit ba ngam dei shuh u nongshong shnong, hato kata ka dei she? Ngan pyni ïa ki kot ki sla kiba shisha ba nga dei pura u nongshong shnong jong ka Raid,” u la ong. da kaba bynrap “Ban kynthoh ba ka ‘Rynsan U Paidbah’, ka dei kaba pynthohbria, ka long kaba bakla shisha”.
Haba ïadei bad ka jingïadei bad u Acting Sordar, u Bah Bah S. Kharsati u la ong ba um shym la don daw eiei bad u Acting ne ka daw shimet ruh kumjuh.
Bad ka jingkynnoh jong u Acting Sordar ka Raid Kyrdem, ba ka ‘Rynsan U Paidbah’ hapoh ka jingïalam u Bah S. Kharsati ka mushlia bad ïalam bakla, kane ka dei kaba la bakla.
