Shillong, Naitung 08
Ki GI pipe kiba dei jong ka skhim JJM ki la shah tuh na ka shnong Tynrong Riangkhon ha West Khasi Hills bad la lap ïa kiba bun ba la buhrieh ha kawei ka khlaw kaba don marjan bad ka shnong.
Katkum ka khubor kaba la ïoh na ki pulit la ong ba u Rangbah Shnong ka shnong Mawtynrong u Bah Sungdar Wanñiang bad u Bah Kwoling Thongni jong ka shnong Tynrong, ki la ai ka jingujor sha ki pulit ba ha ka 4 tarik mynta u bnai, ki la ïoh jingtip ba ki runar bym lah ban ithuh ki la tuh ïa ki GI Pipes kiba dei jong ka shnong JJM na ka shnong Tynrong Riangkhon.
Shuh shuh la ong ba ha ka 5 tarik mynta u bnai, ha ka por kumba 8 baje mynmiet, ki nongshong shnong jong ka thaiñ ki la lap haduh 12 tylli ki pipe GI kiba la dep ban ot bad kiba la song bad buhrieh ha kawei ka khlaw kaba don marjan bad ka shnong, katba la lap pat sa san tylli ki GI pipe ki la jah.
Ha kawei pat ka khubor, ka Kong Umelinda Nongsiej ka la ai ka jingujor sha ki pulit ba ha ka 5 tarik mynta u bnai, ha ka por kumba 3 baje dang step, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML06-A-4327 na ka thaiñ Nongumlong ha Upper Shillong.
Ha kaba ïadei bad kine ki kam shah tuh, na ka liang jong ki pulit hadien ba ki la ïoh ka jingujor, ki la pynïaid shakhmat ïa ka jingtohkit ban lap ïa ki jingshisha baroh.
