Jowai, Naitung 24
U MDC ka liang pyrshah na ka Congress Bah Rikut N Parien u la pynpaw ïa ka jingbynñiaw kaba khraw halor ka jingthut ka bording hapoh ka ïingdorbar jong ka Jaiñtia Hills Autonomous District Council (JHADC) ha ka dorbar lyiur ba shisngi ha ka 24 tarik u Naitung.
Kane ka jingthut ka bording ka jia ryngkhat ha ka por ba ïeng u Bah Rikut ban kylli jingkylli, u la pan bor na u Deputy Chairman ban ïaid shakhmat kaba ki dkhot ruh ki la mynjur wat hadien ba ki la dawa ban sangeh shuwa ïa ka dorbar tad haduh ba meh ka bording. Kaba thamula ka long ba ha ka por ba kren u Bah Rikut, ka bording ka lip bad haba ki dkhot ka liang synshar ki jubab ka bording ka meh.
Kane ka jingthut ka bording ka la pynlong ruh ban short ki wire hapoh ka dorbar ka Council.
