Mawkyrwat, Naitung 24
Hadien ka jingshah rong tuh ka kali Tourist Espresso rong rupa (silver) kaba don ïa u registration number ML05-AE-7933 ha ka miet jong ka 22 tarik u Naitung 2025, ki pulit jong ka thanat Rongra bad CI Baghmara ki la ïoh ban bat noh ïa katei ka kali bad ar ngut ki briew ki la shah kem.
Katkum ki tyllong khubor ba la ïoh lum na u Superintendent of Police jong ka South West Khasi Hills, Bah B Jyrwa, u la ïathuh ba ha ka janmiet jong ka 24 tarik da ka jingïarap ki pulit jong ka thanat Rongra bad CI Baghmara, la lap ïa katei ka kali na Rongara ha South Garo Hills bad la ïoh ban kem ïa ar ngut ki briew kiba shong hapoh kali.
Kitei kiba shah kem ki long u Ardison R Marak, 25 snem na Bagli bad u Raning D Shira, 25 snem na Mawpyllun ha South West Khasi Hills District.
