Nongpoh, Nailar 07
Ha kawei ka jingjia hynne ka step phyrngap, ar tylli ki dukan kata kawei ka dukan sha bad kawei ka dukan shna shaka, ki la shah pynjulor na ka jinghap bad kylla jong kawei ka trok kit synsar.
Katkum ka khubor la ong ba katei ka trok kaba don ïa u registration number ML05-G-2651 kaba la kit palat pud ïa u synsar bad namar ka jingbym lah tehlakam shuh u nongñiah, ka la leit ban kylla bad ban najrong ïa kawei ka dukan shna shaka bad dukan sha ha ki bynta ba khongwain jong ka surok bah National Highway 6 ha Umran, Ri Bhoi District.
Ha kane ka jingkylla bad leit ban katei ka trok, kitei ki ar tylli ki dukan, kila pra lut phom bad donbok ba kam shym la don satia kano kano ka jingjia ba sngewsih lait noh tang ka jingduh nong kaba la kot lak na ka jingduh jong ki mashin bad kiwei kiwei de ki tiar ha kitei ki dukan.
U trai jong kitei ki dukan, u Bah Banister Kharbihkhiew u la ïathuh ba donbok ba katei ka jingjia ka dei ha ka por mynstep, kata ha ka por kumba 3 baje eiei, kaba dei ka por ba ym shym la don satia ki briew kiba sah ha kitei ki dukan, lym kumta kala wanrah ka jingjia ba sngewsih.
