Shillong, Nailar 07
Ka Sorkar Meghalaya kala pynmih ïa ka jingpynbna ban thaw noh ïa ka thanad (Police Station) kaba thymmai ha Umtyngar ha East Khasi Hills District ïa kaba yn tip kum ka Umtyngar Police Station.
Kane ka jingpynbna jong ka Sorkar kan long na ka bynta ka bit ka biang jong ki paidbah bad ruh ka jingsynshar kaba kham biang.
Na ka jingthaw ïa kane ka thanad kaba thymmai ha Umtyngar, ki jaka ne ki thaiñ ki ban wan hapoh u pud u sam jong ka, kin sangeh noh ban long hapoh ka thanad Sohra.
U pud u sam jong ka Umtyngar Police Station ki long ka Mawngap Outpost ha ka bynta ba shatei, ka Madanrting Police Station sha mihngi, ka Pynursla Police Station shathie bad ka Sohra Police Station sha sepngi.
