Shillong, Naiwieng 03
U Dr Batskhem Myrboh, uba dei u kyrtong ka Voice of the People Party (VPP) ha ka ilekshon MP shiteng samoi u la kynthoh ïa ka Sorkar Jylla kaba ai ka jingkyrshan ïa ka Gospel Concert, da kaba buh jingkylli ba ka ‘secular State’ kam lah ban pynlong ïa ki prokram niam na ka bynta kawei ka kynhun.
Ha ka jingthoh kaba la buh ha ka rynsan ‘Facebook’ ha ka sngi Ba-ar, u Dr Myrboh u la buh jingkylli ïa ka bynta jong ka Sorkar ban kyrshan ïa ki prokram niam.
“Ka long kaba bakla na ka bynta ka Jylla ban pynlong ïa ka prokram niam na ka bynta kawei ka kynhun. Lada ka pynlong ïa kawei, ka dei ban pynlong ruh na ka bynta manla kawei pa kawei ka kynhun,” la thoh u Dr Myrboh.
U la bynrap, “Ka India, kynthup ka Meghalaya, ka dei ban long secular,” bad u la pynkut da kaba ong, “Ka niam ka dei kaba bha tam ban ieh ha ka kti jong ki kynhun shimet.”
Ha ka dur kaba paw shabar, kane ka jingkren ka paw kum ka jingmut kaba don nongrim.
