Shillong Nailur 05
Ka BJP Meghalaya lyngba u General Secretary bah Wankitbok Pohshna ka la pynpaw ba ka party kan nym pat ong eiei halor jingtyrwa siew tulop noh ka sorkar sha ki Disctrict Council.
U bah Wankitbok Pohshna haba pynpaw ïa kane u la ong ba kin nym ong eh ban pyrshah ne ban iashah ïa ka jingtyrwa ka sorkar hynrei hap don ka lynti ban pynbeit ban shu pyrshah khlem da don ki lad ki lynti ruh kam iahap.
Shuh shuh u la ong ruh ban nym ïoh tulop da ki phew bnai kam long ka ba suk ban pyrkhat, ngi sngewthuh ïa ka jingkynduh jingeh jong kito ki longïing ki ba mat ïa kane ka jingbym ïoh tulop. hynrei jait ba ka sorkar ka la tyrwa hapdeng ka jingeh bad haba la don ki jingeh hap ban ïakren hap ban ïa pyrkhat janai.
U la bynrap ruh da kaba ong ba hangne ngin hap ban peit ia ka lad ban pynbha bad kumno ban wanrah ia ka sha kaba bha bad ban don ka jingiakren ha ka miej bad kiba don bynta ban ia kren bad iatai pynbha.
