Nongpoh, Risaw 05
Ki pulit ka Ri-Bhoi District haba bteng ïa ka jingtalasi ïa ki kali kiba pynkheiñ aiñ ha ka surokbah National High-way 6, ki la ïoh ban daiñ kuna haduh saw lak duna ka pisa tang ha ki ar sngi lynter kata ha ka 4 bad 5 tarik jong u bnai Risaw, 2025.
Katkum ka tyllong khubor, ki pulit ki la ïoh ban daiñ kuna haduh T.1,33,000/- ïa kiba pynkheiñ ain ha ka por mynsngi bad haduh T.1,60,000/- ha ka por miet ïa kiba ñiah kali ryngkat hapdeng ka jingbuaid.
Shuh shuh ha ka sngi kaba bud, kata ha ka Sngi U Blei jong ka 5 tarik u Risaw 2025, ki pulit ki la ïoh ban daiñ kuna haduh T.88,000/- ïa kiba pynkheiñ aiñ ñiah kali, kaba long baroh haduh T.3,81,000/- kaba kynthup ïa ki E-Challan bad kiba shah daiñ kuna da ka pisa pliah.
Kane ka jingpynlong ki pulit jong ka Ri-Bhoi ïa ka jingtalasi kali ka dei kaba la bteng na ka por sha ka por khnang ban aijingsneng ïa kito kiba pynkheiñ aiñ bad ban wanrah ïa ka jingshngaiñ na ka bynta ki paidbah nongleit nongwan ba kin bud ryntih ïa ki aiñ ñiah kali.
