Shillong, Naiwieng 03
Uwei u rangbah u la shah knieh ka pisa kaba long da ki phew hajar ha ki ar ngut ki riew rangbah hadien ba u la shah tied shah bom kaba la jia ha ka shnong Umling, Ri-Bhoi District.
Katkum ka khubor na ki pulit la ong ba uwei u rangbah uba dei u nongshong shnong jong ka Umling u la ai ka jingujor ba ha ka 28 tarik jong u bnai ba la lah, ha ka por kumba 6 baje janmiet, ar ngut ki rangbah kiba dei na kajuh ka shnong, ki la khang kdong ïa ka kali ka jong u, kaba don ïa u registration number ML10-7906 ha Umling, NH-6, Ri-Bhoi.
Shuh shuh la kynnoh ba hadien ba ki la dep ban khang kdong ïa ka kali, ki la shoh bad tied ïa une u rangbah bad ruh ban knieh ïa ka pisa kaba don haduh T.85 hajar.
