Shillong, Naiwieng 05
U nongïalam ka National People’s Party (NPP) uba dei ruh u Symbud Myntri Rangbah ka Jylla, u Bah Sniawbhalang Dhar u la pynpaw ïa ka jingkyrmen skhem ïa ka seng jong u ha kane ka ilekshon ban wan sha ka Garo Hills Autonomous District Council (GHADC) da kaba pynpaw ba ka seng ka don ïa ka thong ban jop don burom ha ryngkat ka jingbun paid.
Haba kren sha ki lad pathai khubor ha ka Sngi Balang, u Bah Dhar u la ong, “Ka jingthmu jong nga ka long ban trei shitom ban pyntikna ba ka seng jong ngi ka dei ban jop.”
Ha kaba ïadei bad ka jingeh jong ka tulop, u la ong ba ka jubab ïa ki jingpyrshang jong ka NPP ka la long kaba “manbha shi kat dei,” ha kaba ki nongtrei ka GHADC ki la pynpaw ïa ka jingkmen halor ka sienjam kaba sted bad ba ïaid beit ïaid ryntih jong ka Sorkar.
Haba phai pat sha ka jingsam tiket, u Bah Dhar u la pynpaw ba ka seng ka kham lah ban jied ïa ki MDC kiba mynta ha man la ka ilekshon, hynrei ka dang kloi palat ban rai halor ki kyrtong.
“Ka jingkylli ban pynduh tiket kam mih satia,” u la ban jur.
