Shillong, Naiwieng 13
Namar ka jingdon jong ka tamasa Cherry Blossom ka ban sdang naduh ka 14 haduh 15 tarik Naiwieng, 2025, ki pulit pynïaid kali ka East Khasi Hills ki la pynbna ban pyrkhing ar sngi lynter ïa ka jingïaid jong ki trok shapoh ka nongbah Shillong.
Ha ka kyrwoh na u SP Traffic ka East Khasi Hills u K. Prasad la ong ba yn ym shah ban ïaid ïa ki trok ba kin wan rung na ka thaiñ Diengpasoh sha Shillong bad na Upper Shillong sha Shillong ha kine ki sngi.
La pynmih ïa kane ka jingbthah ban pynthikna ïa ka jingïaid beit ïaid ryntih jong ki kali bad ka jingshngaiñ na ka bynta ki nongwan tamasa bad ki nongshong shnong.
