Jowai, Naiwieng 16
Ki riew runar ki bym lah ban ithuh kila pynjot pynpra bad pynsniew ïa ki mot dur ba don ha Ka Syiem Jingsuk Calvary, Amlarem Parish.
Ha Ka Syiem Jingsuk Calvary la buh ïa kiba bun tylli ki mot dur bad u motdur ba la shah pynjot pynpra dei uba don ha ka jaka kaba 11 kaba pyni ïa ka jingsahnarphan ïa u Jisu.
Ha une u motdur, ki runar kila dung bad dkhat ïa ka khlieh bad ki kti jong ki mot dur bad bret sha madan.
Ki nongïalam niam ka Amlarem Parish kila lap ïa kane ka jingjia ha ka 12 tarik Naiwieng bad ki la ujor ruh da ka ejahar ha thanad Amlarem.
Haduh ba la thoh ïa kane ka khubor, na ka liang jong ki pulit haduh mynta kim pat ïoh kem ïa kino kino kiba donkti ha kane ka kam pynjot pynpra.
