Shillong, Naiwieng 16
Ka ïingbishar Meghalaya High Court kala register ïa ka Public Interest Litigation (PIL) bala mudui pyrshah ïa ka jingthmu pynpra ïa ka State Circuit House kaba ju tip kum ka ‘Bidhan Bhavan’ lane ‘Roy Villah’.
“Haba pynshong nongrim ïa ka shithi ba 12/11/2025 bala phah sha u Chief Justice, ïa kane ka PIL la register ba ïadei bad ka jingtei bala tip kum ka ‘Bidhan Bhavan’ lane ‘Roy Villah’, kaba dei mynta ka State Circuit House.
Ka jingsngewkhia ba pynpaw ka long ba ïadei bad ka jingthmu ban pynpra noh ïa kane ka jingtei, kaba katkum ka shithi ka dei ka jingtei ki men barim kaba don ïa ka khana pateng ba donkam,” ong ka Division Bench ba kynthup ïa u Justice HS Thangkhiew bad Justice B Bhattacharjee ha ka hukum ba pynmih ha ka sngi Thohdieng (14 tarik Naiwieng).
Ha ka jingshong bishar, u AD ba la synran da u Bah AH Kharwanlang, Addl Sr GA ïa ka Jylla, u la pyntip ba kane ka shithi ka dei kaba don ruh bad u.
U la kyrpad ban ailad ïa u shitaïew ka por ba un file affidavit, ba ïadei bad kane ka kam.
U S Chakrawarty, Senior counsel bala ïarap da ML Nongpiur, u la ai jingmynjur ban ïarap ïa ka ïingbishar kum ki u Amicus Curiae, ha kane ka mukotduma.
Ka ïingbishar kala buh ban shong bishar biang ïa kane ka kam ha ka 27 tarik Naiwieng.
