Shillong, Naiwieng 17
Kawei ka ophis kaba don ha nongbah Shillong ka la kem ding ha ka sngi Thohdieng jong ka taïew ba la lah hynrei ym shym la don ki jingjia ba sngewsih lait noh tang ka jingjulor.
Katkum ka khubor kaba la ïoh na ki pulit la ong ba ka Hazel DB Sangma ka la ai ka jingujor ba ha ka 14 tarik mynta u bnai, ha ka por kumba 2 baje dang step phyrngab, ka la don ka jingkem ding ha ka ophis jong u Director of Higher & Technical Education, Shillong.
La ong ba ha kane ka jingkem ding, ka la don tang ka jingduh na ki jingjulor kiba la kot sha kumba T.5 lak eiei hynrei ym shym la don pat ki jingjia ba sngewsih ne ka jingmynsaw. Ha kawei pat ka khubor, u Bijoystar Lyngdoh Kynshi uba na ka shnong Ksehkohmoit kaba hap ha Eastern West Khasi Hills u la ai ka jingujor sha ki pulit ba ha ka miet jong ka 11 tarik mynta u bnai, ki runar bym lah ban ithuh, ki la thang ïa u skum jong u, uba shongdor kumba T.56 hajar.
