Mawkyrwat, Naiwieng 17
Ha kawei ka jingjia kaba pynpur ñiangkhriat ha South West Khasi Hills District, kawei ka longkmie ka la ujor da ka ejahar ha thanad Mawkyrwat da kaba kynnoh ba u lok jong ka u la leh be-ijot bad byrngem byrsit ïa la ka jong ka khun kaba dang 10 snem.
Katkum ka ejahar ba la ujor da ka kmie jong kane ka khynnah kaba dang 10 snem ha ka 13 tarik u Naiwieng, 2025 la ïathuh ba une u briew uba la shah kynnoh, u la leh ïa kane ka kam pap kam sang ha u bnai Naitung, 2025 ha ïing sah jong ki.
Ki pulit hadien ba ki la ïoh pdiang ïa ka ejahar, ki la kem noh ïa une u briew ha ka 14 tarik u Naiwieng, 2025 bad la rah ïa u sha ïingbishar bad kyrpad ruh ban set 14 sngi hapoh ka judicial custody.
Haba ïadei bad kane ka jingjia, ki pulit ki la register ha ka cog case WPS C/no.13/2025 U/S 5(m)(n)/6 R/W Sec 351(1) BNS.
