Shillong, Naiwieng 24
Kawei ka longkmie ka la shah thombor da ka wait ha kawei pat ka longkmie kaba la jia ha ka shnong Sookilo ha East Jaiñtia Hills.
Katkum ka khubor na ki pulit la ong ba ka Kong Santi Rabon ka la ai ka jingujor ba ha ka 19 tarik mynta u bnai ha ka por kumba 4.30 janmiet, kawei ka longkmie kaba la tip kyrteng kum ka Kong Marleki Bamon, ka la thombor ïa ka da ka wait ha ka shnong Sookilo.
La ong ba ha kane ka jingjia shah thombor, kane ka longkmie ka la mynsaw jur bad kumta la pynkit noh ïa ka sha ka jaka ai jingsumar ban pynïoh ïa ka jingsumar kaba kloi. Na ka liang ki pulit ki la kem noh ïa katei ka longkmie kaba la shah kynnoh thombor da ka wait bad ka jingtohkit ka dang ïaid shakhmat.thombor ka longkmie ha Sookilo
