Khliehriat, Naiwieng 24
Ki pulit ka East Jaiñtia Hills District, Khliehriat ha ka 19 tarik Naiwieng ha ka por kumba 10 baje mynstep ki la ïoh pdiang ïa ka phone na u Rangbah Shnong Kuliang, u Bah Min Lamare halor ka jinglap ïa kawei ka metïap bym lah ban ithuh ha Khliehkuling Pamlum hapoh ka shnong Kuliang, EJH.
U Superintendent of Police ka District u la pyntip ba mar-mar ki pulit ki la leit sha katei ka jaka kaba long khlaw hajan surok bah NH-06 ban pynlong ka jingtohkit ha kaba ki la shem ba une u briew u bym lah ban ithuh uba la don kumba 26 snem rta la suba ba um dei satia u trai muluk.
Ki pulit ki la pyndep ïa baroh ki jingdonkam ha kane hi ka jaka ha ka jingïadon lang ki sakhi ba laitluid, bad hadien kane la pynkit noh ïa ka met shapoh Civil Hospital Khliehriat ban leh ïa ka Post-Mortem.
Hadien, ïa kane ka metïap la pynkynriah noh shapoh ka jaka buh metïap jong ka Khliehriat CHC ban ap ïa ka jingpynithuh bad ka jingwan shimti.
Kumta la kyntu ïa kiba haïing hasem bad kiwei pat kiba don jingïadei bad une u briew ba la khlad noh ba kin wan shimti noh mardor ïa kane ka met na kane ka jaka buh metïap, bad ba ki lah ruh ban phone sha une u nombor: 9862206288.
