Nongpoh, Nohprah 02
Kawei ka samla lud ba dang 21 snem ka rta, ka la duh noh ïa la ka jingim hadien ba la suba ba ka la shah ïuh ha ka trok, kat haduh ba ki bynta jong ka khlieh, ka la lwet hi phom kaba la jia hynnin ka miet ha Kamla Bagan, Ri-Bhoi District.
Katkum ka tyllong khubor ba la ïohlum, la ïathuh ba kane kala jia ha ka por kumba 12 baje eiei ha kaba ïa ka met jong katei ka samla kaba la tip kyrteng kum ka Blessbina Marak na ka shnong Jorbil Killing kaba la thiah lyngktar ha surok, la lap da ki paidbah nongleit nongwan kiba la pyntip pat sha ki pulit jong ka thanad Khanapara.
Hadien ka jingwan poi jong ki pulit, ïa ka met kaba sah jong katei ka samla, la pynkit noh sha Civil Hospital Nongpoh na ka bynta ban pyndep ïa ka eksamin Post Mortem bad ka jingtohkit ban lap ïa ka daw jong katei ka jingjia ka dang ïaid shakhmat.
