Shillong Nohprah 11
Ka kynhun tem Rock ba pawnam ha ka pyrthei ka Def Leppard kan sa wan sha nongbah Shillong ban pynlynguh ha ka 25 tarik u Lber 2026 ha madan JN Stadium, Polo kum shi bynta jong ka jingleit rwai kane ka kynhun ha ki 3 tylli ki nongbah ha ka ri India.
Ki khlur kane ka kynhun na England ki kynthup ïa u Joe Elliott, Phil Collen, Rick Savage, Vivian Campbell & Rick Allen kila pynbna ïa kane ka jingwan tem ha ka Instagram bad ong ba “Ka dei ka jingwan kaba lah slem”.
Kane ka kynhun mynshwa kala pynbna ban wan ha u snem 2008 sha ri India hynrei kala pynsangeh noh.
Ki jingrwai kiba pawnam jong kane ka kynhun ki kynthup ïa ka “Pour Some Sugar On Me,” “Love Bites,” “Rock of Ages,” bad na ka thup jingrwai Hysteria bad Pyromania.
Ka Def Leppard kala die palat ïa ka 110 million tylli ïa ki thup jingrwai bad kala ïoh artylli ki khusnam Diamond Award.
La pynrung ïa kane ka kynhun tem sha ka Rock & Roll Hall of Fame, hynrei ka dang bteng pat ban pynmih ïa ka thup jingrwai kaba thymmai ïa kaba la khmih lynti ba kan dei ha u snem 2026.
Kane ka rynsan ïa tem ka ban long ha Shillong ka dei kaba la khmih lynti ba kan khring ïa ki nongieid jingrwai na kylleng ka thaiñ Shatei Lam-Mihngi. Ïa ki tiket yn die “Live” ha ka 13 tarik u Nohprah 2025 ha ka por 12 baje mynsngi ha ka BookMyShow.
