Shillong, Rymphang 01
Ka Hynñiewtrep Integrated Territorial Organisation (HITO), lyngba u Bah Donbok Dkhar, President ka la pynpaw ba ka Special Intensive Revision (SIR), kaba thmu pyntreikam da ka Election Commission of India (ECI) ban pynbeit ryntih ïa ki Electoral Roll, kam khang satia ïa ki mynder-ri ba kin ïoh ïa ki Electoral Photo Identity Card (EPIC).
U la ong ba ka SIR ka buh jingma ïa ki jaidbynriew riewlum namar na ka hukum Iing Kashari dang shen la ong ba ïa ka EPIC lah ban aplai lyngba u Aadhaar bad wat ki Bangladeshi ruh ki ïoh Aadhaar.
‘Ngin sa ïakren bad u BDR Tiwari, IAS, Chief Electoral Officer ka Jylla ban ïakren halor ki mat shwa ban pyntreikam ïa ka SIR ha Meghalaya” u la ong.
U Bah Donbok u la kdew ruh ba tang na ka Aadhaar lah ban aplai EPIC katkum Ka SIR bad kane kan buh jingma ïa ki riewlum ha ka Jylla.
Haba ïadei bad ka jingkren ba don ki nongshong shnong ha ki jaka khappud ba ki pyndonkam ar tylli ki EPIC, u Bah Donbok u ong ba hap ban peit bniah ba ki nong Assam kim dei ban ïoh ïa ki EPIC na Meghalaya bad ki nong Meghalaya kim dei ban ïoh EPIC na Jylla Assam.
Nalor kane, u la ong ba ka tnad Election ka Sorkar Jylla ka dei ban pan ruh ïa kot ki sla da ki Hima, Raid, Elaka bad Rangbah Shnong bad kam long kaba ïahap ban aplai EPIC tang na ka Aadhaar.
Shuh shuh u la ong ba u snem ot kyrteng ban ïoh EPIC ha ka Jylla ka dei ban long naduh u snem 1972.
