Shillong, Lber 02
Ka ilekshon komiti jong ka Voice of the People Party (VPP) ha ka 02 tarik u Lber 2026, ka la phah ïa ka jingai jingmut sha ka State Executive Committee na ka bynta ka jingmynjur halor ka jingtyrwa ïa ka kyrteng u Dr. Batskhem Myrboh kum u kyrtong ka seng na ka bynta ka ilekshon shiteng samoi sha ka Lok Sabha na Shillong Parliamentary Konstitwensi, hadien ka jingkhlad noh ba kyndit jong u MP u Dr. Ricky A.J Syngkon.
Kum ban shu kdew hangne, u Dr. Ricky A.J Syngkon u la khlad noh ha ka miet jong ka 19 tarik u Rymphang 2026, hadien ba u la kyllon kynsan ha ka por ba u dang ïalehkai futsal ryngkat bad ki paralok ha Mawïong.
