Jowai, Nailur 04
Arngut ki samla ki la duhei noh ïa la ka jong ka jingim ha ka jingtyngkhuh kali kaba la jia hajan Jowai Civil Hospital, Ialong.
Kane ka jingjia kala jia ha ka por kumba 11 baje mynstep hapdeng ka Scooty bad trok dumper.
Ki arngut kiba la khlad la tip kyrteng kum u Nehlang-i Suchiang, 20 snem rta bad Eiseinlang Tang, 25 snem rta bad baroh arngut ki dei kiba shong ba sah ha Thadmuthlong-B, West Jaiñtia Hills District.
Ki pulit kiba la don ha kane ka jaka kila shimti noh ïa kitei ki met ïap bad pynkit ha Jowai Civil Hospital Ialong ban pyndep ïa ki jingdonkam katkum ka aiñ.
Haduh ba thoh ïa kane ka khubor ym pat lah satia ban tip ïa ka daw tynrai jong katei ka jingjia ïatyngkhuh kali.
