Shillong, Nailur 04
Ha ka step jong ka 04 tarik u Nailur, 2026, kumba ha ka por 11 baje eiei mynstep, ki riew paidbah kiba ïaid ba ïeng na ka surok National Highway kaba ha 4 mer Upper Shillong, ki la kyndit ban ïohi ïa ki ar tylli ki trok ba ïeng kynsan ha katei ka surok.
Ha ka jingap ban khmih bniah, ba aïu kine ki trok shipai ki thmu ban leh, haryngkat ka jingring ïa ka durkhih, ki riew paidbah ki la lah ban sakhi ïa ka jinghiar ki shipai na kitei ki trok, kaba ki la wankit bad ki ñiut, ki jaboh jabaiñ.
Haba la pynïeng bha ïa ka trok, kine ki shipai ki la pynhap ïa ki ñiut kiba ki la wanrah na sha kawei ka jaka bad ban bret pat harud katei ka surokbah, kaba ki da pynhap shuwa ha surok bad kham hadien pat ban khat bad bret sharud katei ka surokbah.
Na ka jingpeit bniah, la ki ñiut aïu kine ki shipai ki wan bret, hynrei la lah ban sakhi ba haryngkat ki ñiut phlang la donlang ruh ki bilor plastic bad kiwei-kiwei de ki jaboh.
Lyngba kane ka khubor kaba ki paidbah ki la lah ban ringdur, ka long kaba donkam ïa ki bor pynïaid distrik ba kin pynmih ruh ka jingmaham sha baroh bad khamtam ruh sha ki bor shipai kiba don ïa ki jaka kiba heh hangne hapoh ka Jylla.
