Shillong, Lber 02
Ki pulit ka Laitumkhrah Traffic Police Station ha ka 02 tarik u Lber, 2026, ki la pynlong ïa ka jingtalasi kynsan kynsan ha Lad Nongkynrih, Laitumkhrah, halor ka jingdon jong ki arshaka kiba ïaid na ka lynti ba la buh ‘No Entry’.
Kane ka lad ba ki pulit ki la talasi, ka dei kaba don ha pyrshah ka Nazareth Hospital ka ban mih sha Health Complex, Laitumkhrah.
Ha kane ka jingtalasi ki pulit ka Laitumkhrah ki la ïoh bat kumba 10 tylli eiei ki arshaka kiba la pynkheiñ kyndon ryngkat ka jingdaiñ kuna ïa ki.
Kane ka jingbuh ‘No Entry’ ka long kum shibynta ban lait na ka jingjia tyngkhuh ne mynsaw ïa ki khynnah skul namar kiba bun ki khynnah skul ki ïaid kjat na katei ka surok. Ki pulit ka Laitumkhrah ki la dep ban buh ‘No Entry’ na katei ka surok khnang ba ki arshaka kin nym ïaid shuh hynrei namar ba ki don ki arshaka ki bym kohnguh kumta ki pulit ki la shim ïa kane ka sienjam ban talasi mardor bad daiñ kuna ruh.
