Khliehriat, Lber 02
Kawei ka khynnah kaba dang 14 snem rta kaba kyrteng ka Thranghun Dhar kaba dei na ka shnong Musiaw West Jaiñtia Hills ka la jah rngai naduh ka 12 tarik Rymphang na ka shnong Mulang, East Jaiñtia Hills, ka jaka ba ka kmie jong ka, ka Kong Bim Dhar ka ju leit trei bylla bad ym pat shym la lapdien haduh mynta.
U Superintendent of Police ka East Jaiñtia Hills District u pyntip ba ki pulit ki la ïoh pdiang ïa ka jingujor lyngba ka jingthoh ha kaba ïadei bad kane ka jingjah rngai jong kane ka khynnah ha ka 25 tarik Rymphang lyngba u Bah Pynshngangaiñ Dhar na ka shnong Musiaw.
Kane ka khynnah kaba don ïa ka rynïeng 4.8 phut ka dei kaba pdeng briew, kaba kham dum sniehdoh bad pyllun dur bad ka phong da ka T-Shit bad ka skad.
Kumta la kyntu ïa kino-kino kiba ïohi ne don jingtip ha kaba ïadei bad kane ka khynnah ba kin sngewbha ban phone sha kine ki nombor 03655-230718 Fax No. 03655-230719 Mobile No.9485178835.
