Jowai, Lber 02
Ki pulit ka Dawki Police Station, West Jaiñtia Hills ha ka jingïaid pahara ha ka janmiet 1 tarik Lber ki la ïoh kem ïa 2 ngut ki nong Bangladesh bad uwei u trai shnong ba ñiah kali.
Ïa kine ki briew la ïoh kem ha ka por 8:30 baje mynmiet na kawei ka kali Maruti S-Presso kaba don ïa u nombor ML05-AG-7472.
Ki nong Bangladesh ba shah kem ki dei u Monirul Biswa bad ka Lovely Khatun kiba dei na ka Shnong Bhombag, Narail, Khunla Division.
Katba u trai shnong ba ñiah kali u dei u Pynshaibha Khaii ba na Wahsarang, East Jaiñtia Hills.
Halor kane la pynngat mukotduma ha Dawki PS katkum ka Case No. 5(3)2026 u/s 21/19(1)/24 ka kyndon ka Immigration and Foreigners Act, 2025.
Ïa kine ki briew ba shah kem yn sa ïalam tian bishar hakhmat ka JMFC ha Amlarem.
