Shillong, Ïaïong 03
U Bah Winston Tony Lyngdoh, Chief Executive Member (CEM) ka Khasi Hills Autonomous District Council (KHADC) u la ong ba u Bah DG Syiemïong, uba la shah weng shipor na ka kam Secretary sha ka Executive Committee ka Council, u la rung biang sha ka kam ha ka 02 tarik u Ïaïong, 2026.
Haba kren sha ki lad pathai khubor u Bah Winston u la ong ba naduh ka por ba la weng shipor ïa u Bah DG Syiemïong na ka kam, kum ka Executive Committee hi kam kwah ban ïa sei shabar, hynrei la don ki Ophisar kiba shim kabu kiba pyntip sha ki lad pathai khubor.
Shuh shuh u la ong ba ki wan ïakren kum kiba sngewsynei eh ïa u Secretary hynrei ki shim kabu ban shna kam politik.
“Ka EC bad nga kum u CEM ngim shym la ai khubor halor ka jingshah sospon u Secretary ka KHADC hynrei kaba sngewsih patde ba dei da ki Ophisar hi kiba thad halor kane ka kam sospon,” la ong u Bah Winston.
U la ong ruh ba ki wan sha u i kumba ki isynei eh halor ka jingshah sospon u Secretary ka KHADC hynrei ki thad pat ïa ka kam ïing bad ki leh politik.
