Shillong, Ïaïong 21
Ka Hynñiewtrep Youth Council (HYC) Bhoirymbong Circle ha ryngkat ka jingdon ryngkat bad u President ka Nongpoh Circle, u Samla Tony Shylla ki la leit ïakynduh ïa u nongsam (Distributor) jong ka Ri Bhoi Gas Agency ha kaba ïadei bad ka jingbym ïoh tyndong lyer shet (gas) ban pyndap la kumba 2 ne 3 bnai.
Ka HYC ka la pynsngew ruh ba wat hadien ba ki la book ruh hadien 2 ne 3 sngi ki la shah weng ha ka ophis jong u nongsam.
U Bah Tony Shylla u la ong ba kane ka jingïakynduh ka long kaba sngewtynnad bad ki la ïoh jingpynshai halor ka jingduna gas ba ka don ka jingdkoh treikam ha Khapmara.
U la ong ba ki paidbah ki donkam ban ïoh ka jingtip lada duna gas. Kumta u la ong ba ha ka jingïakynduh jong ki mynta ka sngi, ki la kyrpad ïa ki nongsam gas ban leh da kano-kano ka lynti ban ai jingtip sha ki paidbah.
Lada biang ki gas kan long ka jingmyntoi ïa ki paidbah ha ka dong ka thaiñ bad kumjuh ruh ïa ka Bhoirymbong hi baroh kawei, la ong u Bah Tony Shylla.
