Shillong, Ïaïong 21
U Additional Deputy Commissioner ka East Khasi Hills ha ka sngi Ba-ar, u la pyntip sha ki paidbah bad ïa baroh kiba sngewkhia ba ka bynta kaba shah ktah jong ka surok Shillong-Dawki hajan Mawlieh ka dei kaba la khang ïa baroh ki kali ban ïaid lashai ka sngi.
Ha ka kyrwoh, la pyntip ba ïa katei ka surok la khang ban ïaid kali naduh ka miet sngi Ba-ar haduh ka sngi Balang tad haduh ban da pynbna da kumwei pat namar ka jingïai bteng ban hap ki maw.
Watla kala don ka jingkhmih bniah da ka kompani ban pynkhuid ïa ka surok man la ka por hynrei kala bteng ka jinghap ki maw kiba thymmai bad kala buh ha ka jingma ïa ki nongïaid nongïeng bad wat ïa ki nongtrei ruh.
La kyntu ïa baroh ki nongleit nongwan ban kiar ka ïaid na katei ka jaka kaba shah ktah bad ban ïaid noh na kiwei pat ki jaka tad haduh ban da ai da kiwei pat ki jingpynbna
