Shillong, Ïaïong 27
Ka jingdheng kali ha ki thaiñ Upper Shillong bad Umshyrpi ka la duna bha mynta, hynrei ka don sa ka wei ka daw kaba pyndheng kali, kata ka dei ha Anjali Pump kaba dei ka jaka kaba dang shna ban pynitynnad ïa katei ka surok da ki jingshna hapdeng surok kaba don ka petrol pump mynshuwa.
Ki katto-katne ki nongkamai taksi ha kylleng ka Sor Shillong kiba ap nongleit nongwan na katei ka jaka, ki la ïathuh ba ka jingdheng kali haba ïa nujor mynta bad mynshuwa, ka kham jur mynta namar katei ka jingshna pyni tynnad ka kham heh ban ïa ka petrol pump kaba don mynshuwa.
Ki la ïathuh ba ka jingdheng kali kaba jur ha kane ka jaka, ka sdang beit naduh ka por 8 baje mynstep.
Ki la ong ba kane ka jingshna pynitynnad hapdeng surok, kam i don jingmyntoi haei-haei ruh hynrei ka long tang ban pynsepei bad pynlut phut ei ïa ka pisa u paidbah.
“Lada ka Sorkar ka shna da ka ‘flyover’ ka lah ban pynmyntoi ban lait na ka dheng kali hynrei haba ki shna pynitynnad, ka jingheh ka long mar kajuh bad ka petrol pump mynshuwa, ka jingdheng kali ka jur beit kumba long mynshuwa,” ki la ong.
Ki la ong ruh ba kane ka jingtei pynitynnad ïa katei ka jaka ba don ka petrol pump mynshuwa kam don jingmyntoi eiei ruh em bad ka jingdheng kali ka long arshah pynban.
