Shillong, Jymmang 08
Ka Sorkar Jylla ka la rai ban pyntreikam noh ïa ka Special One Time Settle-ment Scheme (OTS) hapoh 10 sngi na ka bynta ki trok kit mar na ka thaiñ Jaiñtia Hills.
Ïa kane la pyntip da u Bah Samiyoo Sayoo nongaiktien ka Joint Action Committee (JAC) jong ka Jaiñtia Truck Owners Association (JTOA) bad ka East Jaiñtia Hills Truck Owners Association (EJHTOA) hadien ba wai ka jingïalang bad u Symbud Myntri Rang-bah ba khmih ïa ka tnat Transport u Bah Sniawbhalang Dhar.
Haba kren sha ki nongthoh khubor u Bah Samiyoo u la ïathuh ba ha ka jingïalang u Symbud Myntri Rangbah u la kular ba hapoh 10 sngi, ki trai trok kin sa ïoh ïa ka khubor ba bha namar ka Sorkar kan pyntreikam ïa ka skhim OTS bad ban map ïa ka bai kot kali katba hap ha ka jingpeit ka Sorkar Jylla.
U Bah Samiyoo u la ïathuh ba naduh u bnai Rymphang 2026, ka JAC ka la ïakynduh ïa u Symbud Myntri Rangbah ban dawa map noh ïa ka kuna jong ki kot kali kiba la ïap.
“Mynta ka sngi, da ka jinghun ka mynsiem bad da ka jingkmen ngi pyntip ba u Symbud Myntri Rangbah u la kular hapoh 10-15 sngi ngin sa ïoh ïa ka khubor kaba kmen, namar ba ka Sorkar kan sa leh ïa ka ba donkam kata ban map ïa ka kuna kaba dei jong ka Sorkar Jylla” la ong u Bah Samiyoo.
