Shillong, Jymmang 12
U Myntri Rangbah ka Jylla, u Conrad K Sangma ha ka sngi Ba-ar jong ka taïew u la lum ïa ka jingïalang ban bishar kam halor ka kam pynroi ba thymmai ha Sor Tura, kaba kot baroh haduh T.1,331 klur, bad la pyn-ksan ïa ka jingpyndep ha ka por kaba biang.
Ha kane ka jingïalang la ïadon lang ki Myntri ka Sorkar Jylla u Timothy D Shira bad u Bah Sanbor Shullai.
Ka jingbei pisa kaba la thmu ban pynbha ha Sor Tura ka long T.1928 klur, kaba la buh jingmut ban pynsted ïa ki jingtei kiba kongsan ba kynthup ha ka kam jngohkai, kam ïalehkai bad ki projek pynthymmai sor kiba thmu ban pynkylla dur ïa ka sor Tura, ki projek ki dangïaid ha ka jingkynshew pisa baroh lang ba kot kumba T.1,331 klur, kidei kiba la shong bishar ha kane ka jingïalang
Kine ki kynthup ïa ka Tura Integrated Administrative Complex (T.165 klur), ba la khmih lynti ban pyndep da ki bynta bynta kaban sdang naduh u bnai Nailur 2027, ka PA Sangma Sports Complex bad ka West Stand, ka Pa Togan Sangma Track & Field Stadium bad ka Tura Technology Park.
Kiwei pat ki projek kiba dang ïaid ki dei ka projek ban pynitynnad ïa ka Tura Bazaar, ka jingtei ïa ka Convention Centre, Pelga Tourist Circuit & Hospitality Complex, Working Women’s Hostel, ka jingshna ïa ka Heliport, bad ka Tura Water Supply Scheme.
Ki projek bad ki dangïaid ha ka jingkynshew pisa baroh lang ba kot kumba T.1331 klur, kidei kiba la shong bishar ha kane ka jingïalang.
U Myntri Rangbah u la pynbna ba ka projek kaba T.242 klur, la pyrkhreh na ka bynta ban khot tender.
Ïa kane ka projek la thmu ban pynbha ïa ka Najing Bazaar, ka jaka ïeng kali bad Cinema Complex ha SMELC, Tura City Park, Active Aging Centre, Kids Zone ha Araimile, bad ka Tura Promenade. Kiwei pat ki kam ba la thmu ki kynthup ïa ka Chief Minister’s Youth Centre. Ka jingpynthymmai ïa ka Circuit House, ka jaka khaïi pateng, ka jingbuh ïa ki jingshai ha ki surok, bad ka jingpynroi ïa ki jaka ïalehkai ha Kendriya Vidyalaya.
Ka jingbei pisa baroh kaba la thmu ban pynbha biang ïa ka Sor Tura ka long T.1928.
U Myntri Rangbah u la ban jur ïa ka jingdonkam ban pyndep ïa ki projek ha ka por kaba biang bad ka jingïatreilang kaba kham bha hapdeng ki tnad.
