Shillong, Jymmang 12
U Bah Lahkmen Rymbui, Myntri ba khmih ïa ka tnad pule puthi ka Sorkar Jylla u la ong “Kum ka Sorkar kaba sngap, ka ju sngap ïa kano-kano ka jingai jingmut, kaba dei bad kaba bha tam, hynrei ym ha ka jingduhnong ïa ka jingbha jingmiat jong ka Jylla”.
Ïa kane u Myntri u la kren haba kren sha ki lad pathai khubor, haba kylli halor ka ka penshon na ka bynta ki nonghikai Deficit, ba la ka Sorkar kan ïaid beit ïa kaba la rai ha u snem 2026 ne ha u snem 2023.
Ki nonghikai Deficit dangshen, ki la pynpaw ïa ka jingpyrshah ïa ka rai jong u snem 2026, kata ka Meghalaya Non Government School and Colleges Employees Centralised Fund Scheme, 2026.
Haba ïadei bad kane ka jingpyrshah ki nonghikai Deficit, u Myntri u ong “Ka jingkhang ka plie ha ka tnad pule puthi ïa ki nonghikai Deficit ban wan sha ka miej jingïakren”.
“Ngi la rai ngi la leh, bad ka don ka jingbym sngewhun na ka liang ki nonghikai bad kum ka Sorkar kan sngap ïa kaei kaba bha tam bad ngin leh ïa kata,” u la bynrap.
