Shillong, Jymmang 17
U Sub-Divisional Officer (Civil) ka Pynursla Civil Sub-Division, u la pynbna ban khang haduh lai sngi lynter ïa ka bynta jong ka surok Shillong-Dawki ban ïaid kali khnang ban lah pynïaid beit ïa ki jingshna kiba donkam.
Ha ka jingpynbna paidbah, u Additional Deputy Commissioner G Warjri u la ong, “Ka bynta ka ban shah ktah ka long naduh Laitlyngkot haduh Lyngkyrdem, ka ban khang haduh 3 sngi ïa ka jingïaid kali naduh ka por 7 baje mynstep jong ka 17 tarik Jymmang haduh ka 7 baje mynstep jong ka 20 tarik Jymmang, 2026”.
U pyntip ba kane ka jingkhang, ka dei kaba la leh na ka bynta ka jingshngaiñ jong ki paidbah bad ban lah pynïaid beit ïa ki kam ba pyntrei, ka jingpyntrei ïa ki kor mashin kiba heh, ka jingtih khyndew bad kiwei kiwei”.
La bthah ïa ki nongleit nongwan ba kin pyndonkam da kiwei pat ki lynti ha kine ki sngi. “Baroh ki nongleit nongwan la kyntu ba kin ïatreilang bad ban pynbeit ban ïaid da kiwei pat ki lynti lyngba ka surok Pynursla-Dawki-Amlarem bad surok Pynursla-Nongjri-Sohra,” ong ka jingpynbna.
